O‘zbekiston taraqqiyoti va kelajak yetakchilarini birlashtiruvchi platforma

Hamjamiyat O‘zbekiston Respublikasi Prezidenti Shavkat Mirziyoyev tashabbusi bilan “Prezident iqtidorli farzandlari” tashabbusi doirasida tashkil etilgan.

Hamjamiyat Prezident maktablari, “Yangi O‘zbekiston” universiteti bitiruvchilari, “El-yurt umidi” jamg‘armasi stipendiyasi sohiblari, jahonning yetakchi universitet va kompaniyalarida ta’lim va tajriba olgan iqtidorli mutaxassislarni birlashtirgan.

Maqsadimiz – yangi avlod salohiyatini yuzaga chiqarish, eng yaxshi vakillarni yagona platformada birlashtirish, mamlakatimizda ularning malakasini oshirish uchun munosib shart-sharoit yaratishga ko‘maklashish, ularni O‘zbekiston taraqqiyotiga hissa qo‘shishga ruhlantirish maqsadida yetakchi tashkilot va ekspertlar bilan hamkorlikni yo‘lga qo‘yishdir.

Yangi O'zbekiston poydevorlari jamoasiga xush kelibsiz. - Ushbu platformada siz hamkorlik qilish va kasbiy o‘sish imkoniyatlarini topasiz, tashabbus va loyihalaringizni amalga oshirishda ko‘mak olasiz, rivojlanishning muhim dasturlaridan foydalanasiz hamda bir maqsad yo‘lida intilayotganlar safiga qo‘shilasiz.